السلام عليكم ورحمة الله وبركـاته
موضوع قديم جدا صارله أكثر من 9 سنوات مب قادرة أنساه
أنا ضحية جهل ، لما بلغت أمي ما علمتني عن شي يدعى " بكارة " لدى كل الفتيات !!
فعندما بلغت ، كنت أنظف نفسي بجهل .. آسفة ما أقدر أوضح أكثر لأن كل ما أتذكر الماضي دموعي تتساقط على خدي غصب عني
الحمدلله رب العالمين ، عمره ما لمسني رجل ، لكن أسفي على المجتمع اللي يقيم البنت على هالغشاء الرقيق
أسباب تمزق هذا الغشاء كثيرة جدا ، منها التنظيف والدش المهبلي
أذكر مره صارت لي التهابات قوية جدا وحكة وقمت أحك حتى طلع لي دم فالمنطقة ،
على طول قلت لأمي اللي هاوشتني وأنا ما أعرف ليش تهاوشني !!
ثاني يوم خذتني للدكتورة اللي خافت لما شافت المنطقة وقالت انتي شو
سويتي بنفسج !! المنطقة حمرا دم ما ينشاف منها شي من الهرش .. وقالت
البنت جارحة نفسها وعطتني كريم !!
ومن ذاك اليوم لليوم اللي فهمت فيه شو يعني غشاء البكارة وأنا في حال ما يعلم
به غير ربي ،، كان ودي أمي تاخذ من الدكتورة أي ورقة أو اثبات عن اللي
صار ، كان ودي تاخذني لدكتورة ثانية ، كان ودي ترجع تراجع فيني أو تسألنيي حطيتي الدوا !
أبد ولا سألت فيني
أدري الوقت مر عليه سنين طويله لكني خايفه على نفسي، خايفه من ظلم الناس لي واتهاماتهم ..
ودي أحد يوقف معاي ويساندني لكن ما فيه حد أقدر أصارحه وأخليه يساعدني
قعدت أقرى عن هالغشاء حتى بمواقع أجنبية ، وشفت حكم الشرع في مواضيع
رتق الغشاء في حال الضرر ،، لكني خايفه جدا من هالموضوع .. ما ودي
أفحص مره ثانية أخاف تنتكس حالتي أكثر
ودي أروح لناس فاهمه وفي حال " لا قدر الله " فيه ضرر على طول أحصل
الحل ، مب أقعد منطوية على نفسي حبيسة غلطة مالي ذنب فيها .. أصلا خايفه
من الفحص مره ثانية
دايما اتذكر قول الله تعالى " وما أنا بظلام للعبيد "
يارب تسترني ياكريم ، للعلم أنا ولا مره في حياتي انخطبت ، أقول في نفسي خيرة من الله يمكن الله ما يبيني أتزوج عشان لا انظلم !!
مع إن والله ما ينقصني شي الحمدلله
في شي ثاني خايفه منه ، قريت إن رتق الغشاء أنواع ، في منه الدايم وفي منه المؤقت .. هل هالشي معقول !
آخر شي سويته هو التالي ، امي دايما تسألني عن سبب حزني وأقولها بعدين
أقولج .. كل ما أحاول أفتح معاها الموضوع دموعي تسبقني مع الأسف
كتبت لها رساله أشكي لها أقولها أنا خايفه ساعدوني علمي أبوي أبي أروح أفحص
فالخارج عالاقل أسافر ألمانيا أو دولة أوروبية يشوفوني ويطمنوني
لكن الرساله للحين بالدرج ما دري متى أعطيها اياها
ما يهمني الزواج كثر ما يهمني إني أكون حالي حال أي بنت
ما عندي مانع أبوي يدري عن السالفه القديمة أتوقع إنه يتفهم بس مادري أمي شلون تفهمه عشان يقتنع إني اسافر وأتعالج برع
أرجوكم ساعدوني مالي غيركم بعد الله ، كيف أتصرف موقفي جدا صعب وتعبت من الكبت ودي أحد يوقف معاي ويدري بمعاناتي
موضوع قديم جدا صارله أكثر من 9 سنوات مب قادرة أنساه
أنا ضحية جهل ، لما بلغت أمي ما علمتني عن شي يدعى " بكارة " لدى كل الفتيات !!
فعندما بلغت ، كنت أنظف نفسي بجهل .. آسفة ما أقدر أوضح أكثر لأن كل ما أتذكر الماضي دموعي تتساقط على خدي غصب عني
الحمدلله رب العالمين ، عمره ما لمسني رجل ، لكن أسفي على المجتمع اللي يقيم البنت على هالغشاء الرقيق
أسباب تمزق هذا الغشاء كثيرة جدا ، منها التنظيف والدش المهبلي
أذكر مره صارت لي التهابات قوية جدا وحكة وقمت أحك حتى طلع لي دم فالمنطقة ،
على طول قلت لأمي اللي هاوشتني وأنا ما أعرف ليش تهاوشني !!
ثاني يوم خذتني للدكتورة اللي خافت لما شافت المنطقة وقالت انتي شو
سويتي بنفسج !! المنطقة حمرا دم ما ينشاف منها شي من الهرش .. وقالت
البنت جارحة نفسها وعطتني كريم !!
ومن ذاك اليوم لليوم اللي فهمت فيه شو يعني غشاء البكارة وأنا في حال ما يعلم
به غير ربي ،، كان ودي أمي تاخذ من الدكتورة أي ورقة أو اثبات عن اللي
صار ، كان ودي تاخذني لدكتورة ثانية ، كان ودي ترجع تراجع فيني أو تسألنيي حطيتي الدوا !
أبد ولا سألت فيني
أدري الوقت مر عليه سنين طويله لكني خايفه على نفسي، خايفه من ظلم الناس لي واتهاماتهم ..
ودي أحد يوقف معاي ويساندني لكن ما فيه حد أقدر أصارحه وأخليه يساعدني
قعدت أقرى عن هالغشاء حتى بمواقع أجنبية ، وشفت حكم الشرع في مواضيع
رتق الغشاء في حال الضرر ،، لكني خايفه جدا من هالموضوع .. ما ودي
أفحص مره ثانية أخاف تنتكس حالتي أكثر
ودي أروح لناس فاهمه وفي حال " لا قدر الله " فيه ضرر على طول أحصل
الحل ، مب أقعد منطوية على نفسي حبيسة غلطة مالي ذنب فيها .. أصلا خايفه
من الفحص مره ثانية
دايما اتذكر قول الله تعالى " وما أنا بظلام للعبيد "
يارب تسترني ياكريم ، للعلم أنا ولا مره في حياتي انخطبت ، أقول في نفسي خيرة من الله يمكن الله ما يبيني أتزوج عشان لا انظلم !!
مع إن والله ما ينقصني شي الحمدلله
في شي ثاني خايفه منه ، قريت إن رتق الغشاء أنواع ، في منه الدايم وفي منه المؤقت .. هل هالشي معقول !
آخر شي سويته هو التالي ، امي دايما تسألني عن سبب حزني وأقولها بعدين
أقولج .. كل ما أحاول أفتح معاها الموضوع دموعي تسبقني مع الأسف
كتبت لها رساله أشكي لها أقولها أنا خايفه ساعدوني علمي أبوي أبي أروح أفحص
فالخارج عالاقل أسافر ألمانيا أو دولة أوروبية يشوفوني ويطمنوني
لكن الرساله للحين بالدرج ما دري متى أعطيها اياها
ما يهمني الزواج كثر ما يهمني إني أكون حالي حال أي بنت
ما عندي مانع أبوي يدري عن السالفه القديمة أتوقع إنه يتفهم بس مادري أمي شلون تفهمه عشان يقتنع إني اسافر وأتعالج برع
أرجوكم ساعدوني مالي غيركم بعد الله ، كيف أتصرف موقفي جدا صعب وتعبت من الكبت ودي أحد يوقف معاي ويدري بمعاناتي
